ZEPHYR - ჰაერის რეკუპერატორი
ZEPHYR არის ინტელექტუალური კედლის რეკუპერატორი - დეცენტრალიზებული სავენტილაციო მოწყობილობა სითბოს აღდგენით, რომელიც განკუთვნილია სივრცეებისთვის, სადაც ცენტრალიზებული სავენტილაციო სისტემა და ჰაერსატარები არ არის. ის უშუალოდ კედელში მონტაჟდება და თითოეულ ოთახს ცალკე აწვდის სუფთა ჰაერს, სითბოს დიდი დანაკარგის გარეშე.
როგორ მუშაობს
მოწყობილობის მთავარი ნაწილია კერამიკული თბოგადამცვლელი და ორმხრივი ვენტილატორი. ZEPHYR მუშაობს 70-წამიანი ციკლით: გამწოვ ფაზაში ოთახის თბილ ჰაერს გარეთ გაიტანს და კერამიკულ ბირთვს ათბობს, შემდეგ ნაკადის მიმართულებას იცვლის და გარედან შემომავალ სუფთა ჰაერს ბირთვში დაგროვილი სითბოთი ათბობს. ზაფხულში იგივე პრინციპით შემომავალი ჰაერი გრილდება. სითბოს აღდგენის ეფექტურობა 90%-მდეა.
ძირითადი მახასიათებლები
- ჰაერის წარმადობა: 15, 30, 45 და 60 მ³/სთ (ღამის რეჟიმი და I-III სიჩქარე);
- ენერგომოხმარება: 0.9-დან 5.9 ვტ-მდე;
- ხმის წნევა 1 მ მანძილზე: 10.3 dBA ღამის რეჟიმში, 36.9 dBA მაქსიმალურ სიჩქარეზე;
- EC მართვის ორმხრივი DC ღერძული ვენტილატორი;
- ტემპერატურისა და ტენიანობის სენსორი;
- 2 G3 ფილტრი, სურვილისამებრ M5 - მტვრიანი და დაბინძურებული გარემოსთვის;
- დაცვის კლასი IPX4, სამუშაო ტემპერატურა -25°C-დან +50°C-მდე;
- კვება 110/230V, 50/60Hz.
რეჟიმები და მართვა
ZEPHYR-ს აქვს სამი სავენტილაციო რეჟიმი: ციკლური რეჟიმი სითბოს აღდგენით, მხოლოდ მიწოდება და მხოლოდ გაწოვა. ღამის რეჟიმში თითქმის უხმაუროდ მუშაობს. შესაძლებელია ტენიანობის სამი დონის დაყენება: მითითებულ ზღვარს რომ მიაღწევს, მოწყობილობა ავტომატურად გადადის გამწოვ რეჟიმზე და ზედმეტ ნესტს გაიტანს.
მართვა ხდება IR პულტით ან მობილური აპლიკაციით Wi-Fi-ით: დისტანციური წვდომა, კვირის განრიგი, ტემპერატურისა და ტენიანობის ჩვენება რეალურ დროში და შეხსენება ფილტრის გამოცვლის შესახებ. რამდენიმე მოწყობილობა ერთმანეთს უკავშირდება ინტერნეტის გარეშეც და მუშაობს პარალელურად ან საპირისპირო ფაზაში - როცა ერთი ჰაერს აწვდის, მეორე გაიტანს. ასე მიიღწევა უწყვეტი ვენტილაცია და შესაძლებელია ცალკეული ზონების შექმნა.
მონტაჟი
მოწყობილობა 160 მმ დიამეტრის მილში მონტაჟდება 250-500 მმ სისქის კედელში, სპეციალური გარე ქუდით კი 150 მმ სისქის კედელშიც. დასაკეცი გარე ცხაური მონტაჟის შიგნიდან შესრულების საშუალებას იძლევა, რაც მაღალსართულიან შენობებში განსაკუთრებით მოსახერხებელია. დეკორატიული ალუმინის წინა პანელი რამდენიმე ფორმითა და ფერით არის ხელმისაწვდომი.
სად გამოიყენება
ბინები და კერძო სახლები, საძინებლები, ოფისები, საკლასო ოთახები და ნებისმიერი სივრცე, სადაც სუფთა ჰაერი სჭირდებათ ჰაერსატარების გაყვანის გარეშე. მოწყობილობების რაოდენობა დამოკიდებულია ოთახების რაოდენობასა და ფართობზე - შერჩევისთვის დაგვიკავშირდით. სხვა მოდელები იხილეთ რეკუპერატორების კატეგორიაში.
